«Манас» бажысынын контрабандага жана бажы мыйзамдарын бузууга каршы күрөшүү башкармалыгынын кызматкерлери бажы мыйзамдарын бузуу фактыларын аныкташты.

«Манас-2» Эл аралык аэропортунун аэропорт комплексинде бажы көзөмөлүн ишке ашыруунун алкагында «Манас» бажысынын кызматкерлери КР УКМК кызматкерлери менен биргеликте зер буюмдарды мыйзамсыз алып өтүү аракетине бөгөт койду.

Кетип жаткан аймакта бажы көзөмөлүн жүргүзүү учурунда Кыргыз Республикасынын жараны С.К.Ж. декларацияланбаган товарлар - сары металлдан жасалган салмагы 4,4 кг. түзгөн 46 кол саат табылган.

Товарлар кармалып, баардык жагдайлар такталганга чейин буюм далили катары “КММ” кампасында убактылуу сактоочу жайга коюлган.