Мамлекеттик бажы кызматы бажы кызматынын кадрдык резервине конкурстук тандоо өтөөрүн эскертет. Документтерди кабыл алуу 2025-жылдын 25-августунан 30-сентябрына чейин саат 10:00дөн 17:00гө чейин (дүйшөмбү - жумага күндөрү) төмөнкү дарек боюнча жүргүзүлөт: Бишкек шаары, Байтик баатыр көчөсү, 4а, Мамлекеттик бажы кызматынын борбордук аппаратынын имараты.

Конкурска катышууга Кыргыз Республикасынын төмөнкү жарандары кабыл алынат:

• 35 жашка чейинки;

• башка мамлекеттин жарандыгы жок;

• жогорку билими бар;

• эркектер үчүн милдеттүү аскердик кызматты өтөгөн же даярдык/альтернативдик кызмат өтөгөн

Белгиленген жаш курактан жогору болгон адамдар үчүн, эгерде алар буга чейин укук коргоо органдарында, Куралдуу Күчтөрдө же башка түзүлүштөрдө кызмат өтөгөн болсо жана алардын жыйынтык стажы пенсия дайындоого мүмкүндүк берсе, кайрадан кызматка кабыл алынышы мүмкүн.

Керектүү документтер:

• жеке арыз, автобиография, кадрларды эсепке алуу баракчасы;

• жогорку билими жөнүндө документ; (каалаган багыт боюнча ЖОЖду аяктагандыгы тууралуу диплому)

• эмгек китепчеси (бар болсо);

• аскердик билет (эркектер үчүн);

• паспорт (ID карта), туулгандыгы тууралуу күбөлүк, нике/ажырашуу жөнүндө күбөлүк;

• жакын туугандарынын туулгандыгы тууралуу күбөлүктөрү жана паспорттору;

• кеминде 3 сунуш кат;

• кызыл фондо 9×12 (1 даана) жана 3×4 (4 даана) өлчөмүндөгү сүрөттөр;

• кызматтык мүнөздөмө;

• №27 формадагы амбулатордук картадан көчүрмө;

• туугандары жөнүндө маалыматтарды жана фамилия, аты-жөнүн өзгөртүү боюнча маалыматтарды тастыктаган башка документтер.

Маанилүү:

Эгерде талапкердин жубайы (күйөөсү) же жакын туугандары оор кылмыш жасагандыгы үчүн соттуулугу жоюлбаган болсо же тыюу салынган уюмдардын мүчөсү болсо, талапкер кызматка кабыл алынбайт.

Эскертүү:

• документтерди электрондук түрдө алуу үчүн Тундук тиркемесин колдонуу сунушталат;

• жаңы паспорттордун ээлери жашаган жери жөнүндө маалымкатты кошо тапшыруусу керек («Тундук» аркылуу алса болот).

Тапшырылган документтердин аныктыгы үчүн талапкер өзү жоопкерчилигине алат.